Rikici ya barke tsakanin jam’iyyun NNPP da APC a Katsina

Rikici ya kaura a jihar Katsina tsakanin magoya bayan jam’iyyun APC mai mulki da kuma ta NNPP mai adawa.

Rahotonni sun bayyana cewa, rikicin ya barke ne sakamakon gano shugaban jam’iyya da kuma dan takara mataimakin gwamna na jami’aryar NNPP cikin taron gangamin neman zabe na jami’yyar APC.

A cewar Dantakarar gwamnan na NNPP a jihar Muhammad Nura Khalil, ya ji raderadin cewa ana so a cefanar da magoya bayan jam’iyyar ta ga jam’iyyar APC.

Dan takarar mataimakin gwamna da shugaban jam’iyyar NNPP sunje je wurin taron yan Jam’iyyar APC wanda hakan ya hasala magoya bayan NNPP din suka fara bore.

Dan takara mataimakin gwamnan Mutaka Rabe Darma ya ce, ya ajiye takararsa inda ya koma jam’iyyar APC.