Rundunar ‘yan sandan Kano ta ja kunnen masu shirin Zanga-zanga

Rundinar ‘yan sandan jihar Kano ta sha alwashin cafkewa tare da gurfanar da dukkan mutanen da suka fito domin gudanar da duk wani gangami da sunan gudanar da Zanga-Zanga a fadin jihar.

Jami’in hulda da jama’a na rundinar SP Abdullahi Kiyawa, ne ya bayyana hakan, yayin da yake zantawa da freedom Radio a daren Lahadin nan.

SP Abdullahi Haruna Kiyawa, ya kuma bai wa al’umma tabbacin cewa rundunar ‘yan sandan jihar Kano ta dauki matakan da suka dace, tare da baza jami’ansu lungu da sako domin tabbatar da tsaro a fadin jihar.

Haka kuma, ya ja hankalin ‘yan siyasa da magoya bayansu da su bayar da dukkan gudunmawar da ta dace wajen tabbatar da zaman lafiya.

AKI