Labarai
Rundunar ‘yan sandan Zamfara ta ceto mutane 11 da aka yi garkuwa da su
![](https://freedomradionig.com/wp-content/uploads/2021/06/axe.jpeg)
Rundunar ‘yan sandan Jihar Zamfara da hadin gwiwar kwamitin zaman lafiya na gwamnatin Jihar sun samu nasarar ceto mutane 11 da masu garkuwa da mutane suka sace a Jihar.
Mai magana da yawun rundunar Muhammad Shehu ya tabbatar da hakan ta cikin wata sanarwa da ya fitar a birnin Gusau.
Muhammad Shehu ya ce an sace mutanen ne a ranar juma’ar da ta gabata, 4 ga wannan wata na Yuni da muke ciki, a kauyen Wanzamai da ke karamar hukumar Tsafe.
Ya kara da cewa kafin sada mutanen da aka ceto da iyalansu sai da aka duba lafiyarsu a asibiti don tabbatar da koshin lafiyarsu.
You must be logged in to post a comment Login