Sai an biya kudin fansa kafin sakin Marayu – ‘Yan bindiga

‘Yan bindigar da suka sace yara 7 ciki har da wani maigadi a gidan marayu na ƙauyen Naharati dake Abuja, sun nemi a biyasu naira miliyan 10 a matsayin kudin fansa.

Sai dai mahukuntan dake kula da gidan marayun, sun ce basu da kudi, ya yin da suke ikirarin cewa  hatta ciyarwa da kuma suturar da marayun ke sawa wasu kungiyoyin jinkai ne ke tallafawa.

Jaridar Punch ta rawaito cewa, kawo yanzu rundunar yansandan Abuja ba ta ce uffan ba.

A ranar Asabar da daddare ne, ‘yanbindigar ɗauke da makamai suka kutsa cikin gidan marayun da ke ƙauyen Naharati da ke wajen birnin tarayyar sannan suka yi awon gaba da yaran.