Katin dan kasa : Yadda NIMC ta kama masu yi mata sojan gona a Kano

Hukumar samar da katin dankasa wato NIMC, a jihar Kano ta kama wasu mutane dake mata sojin gona.

A shafinta na tiwita hukumar ta ce, mutanen na bayyana kansu a matsayin ma’aikatan ta har ma suna damfarar al’umma akan wai zasu yi musu katin dan kasa.

Hakanan ma NIMC ta ce ta sami wasu daga cikin kayayyakin ta a wasu cibiyoyin kasuwanci a jihar, a lokacin da ta kai samame irin wadannan wurare.

Ta ce tuni ta mika mutanen hannun yansanda domin gudanar da bincike kafin gurfanar dasu a gaban kuliya.