Sanya takunkumin baki zai takaita yaduwar Corona – Masani

A daidai lokacin da gwamnatin jihar Kano ke shirin kaddamar da dakarun da za su rinka sanya ido kan kiyaye dokokin kare yaduwar cutar Corona, masana a fannin kiwon lafiya sun ce sanya takunkumin hanci da baki zai taimaka wajen takaita yaduwarta a tsakanin al’umma.

Shugaban dakin gwaji na jami’ar Bayero Farfesa Isa Abubukar ne ya bayyana hakan yayin zantawarsa da Freedom Radio.

Farfesa Isa Abubakar ya kara da cewa duk wata cuta da za a iya daukarta ta numfashi, to hakika sanya takunkumin zai baiwa mutum kariya daga kamuwa da cutar.