Saura ƙiris na kori Aminu Wali daga PDP – Kwankwaso

Jam’iyyar PDP tsagin tsohon gwamna Kwankwaso ta ce, tana kan hanyar korar tsagin Aminu Wali daga jam’iyyar.

Shugaban jam’iyyar Shehu Wada Sagagi ne ya bayyana hakan a zantawarsa da Freedom Radio.

A cewarsa, su ƴan jam’iyyar PDP mai tsintsiya ce, kuma suna kan hanyar korar su.

Sagagin yana martani ne kan matakin tsagin Aminu Walin na korar tsohon gwamna Kwankwaso daga jam’iyyar.

A martanin da ya mayar shugaban jam’iyyar tsagin Aminu Wali Muhamminna Baƙo Lamiɗo ya ce, su ne halastattun shugabannin jam’iyya na jiha, waɗanda suka bi kundin tsarin mulki.

Sai dai tuni uwar jam’iyyar ta ƙasa ta marawa tsagin Kwankwaso baya a wata sanarwa da sakataren yaɗa labaran ta Kola Ologbondiyan ya fitar.