Shan magunguna barkatai na janyo ciwon ƙoda – ƙungiyar masu harhaɗa magunguna

Ƙungiyar masu harhaɗa magunguna a nan Kano ta ce yawan shan magani barkatai na taka rawa wajen haddasa wasu cutuka a jikin mutum.

Shugaban ƙungiyar Pharmacist Sani Aliyu Yusuf ne ya bayyana hakan, ta cikin shirin “Barka da Hantsi” na tashar Freedom, a wani ɓangare na bikin ranar masu haɗa magunguna ta wannan shekarar.

Sani Aliyu ya ce “kamata yayi mutane su guji shan magani barkatai,hatta Paracetamol na janyo ciwon hanta idan aka sha ba bisa ƙa’ida ba”

“Haka kuma maganin ciwon jiki shi ma na haddasa ciwon na hanta domin kuwa da dama daga cikin mutane na shan su barkatai”