Shara na barazanar rushe mana gidaje- Mazauna Hotoro

Mazauna Unguwar Hotoro Ramin Kwalabe a Kano, sun bukaci hukumar kwashe shara da ta kai musu dauki bisa wata tarin shara da mutane ke tarawa a yankin wadda kuma ta ke barazana ga rayuwarsu.

A cewar mazauna yankin har ta kai da cewa tarin bolar na yin barazana ga rushewar gidajensu, Kamar yadda suka shaida wa Freedom Radio.

Kan wannan koke nasu ne Freedom Radio ta yi kokarin jin ta bakin hukumar kwashe shara ta Kano REMASAB, sai dai hakan mu bai cimma ruwa ba, amma dai za mu ci gaba da bibiyar hukumar domin jin abinda za ta yi kan wannan matsala.