Shida daga cikin dalibai 136 dake hannun ‘yan bindiga a jihar Neja sun mutu

Dalibai 6, daga cikin ‘yan makarantar Islamiyyar Tegina, ta jihar Neja dake hannun ‘Yan bindiga da sukayi garkuwa dasu sun mutu.

Daliban shida na daga cikin dalibai 136 da ‘yan bindigar suka yi garkuwa da su, tun a watan Mayun shekarar 2021.

Shugaban makarantar Abubakar Garba Alhassan, ya shaidawa kamfanin dillancin labarai na Reuters, cewar ‘yan bindigan sun tabbatar masa cewa, yaran sun mutu ne bayan sun sha fama da rashin lafiya.

Abubakar ya kara da cewa, sun nemi a biya su kudin fansa, don amso sauran daliban da ke hannunsu.