Shigar da ba ta dace ba: LMC ta ci tarar Heartland

Kamfanin shirya gasar League ta Najeriya LMC ya sakawa kungiyar kwallon kafa ta Heartland tara bisa saba ka’idoji da dokokin wasa.

Kungiyar dai tayi amfani da rigunan da babu sunan kungiyar babu lambobi kuma babu baje yayin karawarsu da Montin of Fires a filin wasa na Agege dake jihar Lagos.

LMC ya nemi Heartland ta biya kudin jan kunne naira dubu dari tare da kudin tara naira miliyan daya na saba dokokin wasa.