Shugaban Buhari ya karbi wasu shugabannin jam’iyyar APC a fadar Asorok

Shugaban kasa Muhammadu Buhari ya karbi wasu shugabannin jam’iyyar APC a wajen wata liyafar cin abinci a fadar Asorok da ke Abuja a daren jiya.

Shugaban jam’iyyar APC na kasa Chief John Odigie Oyegun ne ya jagoranci ‘yayan jam’iyyar zuwa wajen liyafar cin abincin.

Sauran ‘yayan jam’iyyar ta APC da suka halarci liyafar cin abincin sun hada da: sakataren jam’iyyar Mai Mala Buni, da tsohon gwamnan Kano Sanata Rabiu Musa Kwankwaso da tsohon gwamnan Sokoto Aliyu Magatakarda Wamakko da tsohon gwamnan jihar Abia Uzor Orji Kalu da kuma sakataren gwamnatin tarayya Boss Mustapha.

Sauran sune: mukaddashin shugaban jam’iyyar na kasa Injiniya Segun Oni da tsohon gwamnan jihar Enugu Sullivan Chime da Olorogun O’tega Emerhor da tsohon gwamnan jihar Nassarawa Sanata Abdullahi Adamu da kuma Alhaji Abubakar Kawu Baraje.