Shugabannin ƙananan hukumomin Kano 44 sun yi Tir da Doguwa

Shugabannin ƙananan hukumomin Kano 44 sun yi Alla-wadai da shugaban masu rinjaye na majalisar tarayya Alhassan Ado Doguwa.

Hakan na cikin wani saƙo da shugaban ƙungiyar shugabannin ƙananan hukumomin Kano Muhammad Baffa Takai kuma shugaban ƙaramar hukumar Takai ya aike wa Freedom Radio.

Ya ce, “A madadin shugabannin ƙananan hukumomin Kano 44, suna nuna damuwa da alhinin kan rashin ɗa’a da Doguwa ya nuna”.

“Wannan ba ita ce tarbiyyar da Ganduje da APC suka bamu ba, saboda haka muna kira ga uwar jam’iyya da ta gaggauta ladabtar da Doguwa”. A cewarsa.

Shugabannin ƙananan hukumomin sun kuma jaddada mubaya’arsu ga jam’iyyar APC.