Shugabannin kafafen yada labarai a Kano sun dakatar da shirye-shiryen siyasa na kai tsaye

Shugabannin kafafen yada labarai na Radio da Talabijin a nan Kano, sun dauki matakin dakatar da yin shirye-shiryen siyasa kai tsaye domin dakile kalaman batanci da kuma tarzoma a jihar.

Matakin ya biyo bayan wani taro da suka gudanar a ofishin kwamishinan yada labarai da niyyar kawo gyara kan yadda ake yada labarai musamman na siyasa.

Kungiyar dai ta dauki wannan mataki ne bayan da ta gudanar da wani taron a jiya Laraba.