Siyasar Kano: PDP ta gargaɗi Ganduje kan cefanar da kadarorin gwamnati

Jam’iyyar PDP ta gargaɗi gwamnatin Kano kan sayar da kadarorin gwamnati.

Ɗaya daga jagororin jam’iyyar na Kano Kwamaret Aminu Abdussalam ne ya bayyana hakan a yayin wani taron manema labarai da jam’iyyar ta kira.

Kwamaret Abdussalam ya ce, abin takaici ne yadda gwamnatin Kano ke cefanar da wuraren al’ummar Kano masu don biyan buƙatar kai.

A cewarsa, in har jam’iyyar PDP ta yi nasarar lashe zaɓe to za ta karɓe dukkan wuraren da gwamnati mai ci ta siyar.

Ya kuma nuna takaicinsa kan yadda ya ce, gwamnatin Kano ta gaza kafa kwamitin binciken waɗanda ƴan sandan SARS suka ci zarafi domin bi musu haƙƙinsu.