Siyasar Kano : Shehu Isah Driver ya yi martani kan kalaman Amanallah Ahmad

Babban mataimakin Gwamnan Kano kan kafafan yada labarai Shehu Isah Driver yayi martani kan kalaman Hon Amanallah Ahmad.

Shehu Isa Driver ya kalubalanci kalaman Hon Amanallah Ahmad Muhammad dangane da wata turka turka data faru a lokacin daya shugabanci karamar hukumar Tarauni a shekara ta 2007.

Shehu Isa Driver ya bayyana hakan ne ta cikin shirin kowane Gauta na gidan Radio Freedom Kano, yana mai cewa akwai bukatar Amanallah Ahmad Muhammad ya fito yayi jawabi kan yadda yayi nasara a zaben daya gaba na shugabancin Karamar Hukumar Tarauni kasan cewar ba shine yayi nasara ba a zaben.

Hon Shehu Isa ya kara da cewa tunda shi Amanallah yasan baiyi nasara ba a waccen zabe na 2007 kamata yayi ya tattara duk abundaya samu ya mayarwa da tsohon dan takarar na jam’iyyar PDP da sukayi zabe tare wato Nura Zubairu.