Sojoji sun gano masana’antar kera makamai a Nasarawa

Rundunar sojin Najeriya, ta ce, dakaruna na Operation WHIRL STROKE, sun gano wata masana’antar ƙera makamai ba bisa ƙa’ida ba da ke ɓoye a yankin Agwatashi da ke ƙaramar hukumar Doma a jihar Nasarawa.

Rundunar, ta bayyana hakan ne ta cikin wata sanarwa da ta wallafa a shafinta na X.

Rahotanni sun nuna cewa wurin an ɓoye shi ne domin ƙera makaman da ake bai wa masu aikata laifuka a yankin da ma wajen sa.

Kwamandan rundunar, Manjo Janar Moses Gara ya buƙaci sojojin su da su ci gaba da dogaro da sahihan bayanan sirri domin tarwatsa cibiyoyin aikata laifuka.