Sumamen EFCC: Bita da ƙulli kawai ake yiwa Kwankwaso – PDP

Jam’iyyar PDP reshen jihar Kano, ta ce bita da ƙulli ya sanya hukumar EFCC ta kai sumame asibitin tsohon Gwamna Kwankwaso.

Sakataren yaɗa labaran jam’iyyar Bashir Sanata, ya ce, sumamen na EFCC maƙarƙashiya ce kawai da Gwamnatin Kano ke shiryawa Kwankwaso.

Ya ci gaba da cewa, Asibitin da tsohon Gwamnan ya samar, ya sadaukar da shine domin amfanin al’umma ba don amfanin kansa ba.

Sakataren yaɗa labaran ya kuma ce, yadda hukumar ta dawo ta goge fenti da tayi cikin ƙasa da kwanaki biyu ya nuna cewa, Kwankwaso ba abin zargi bane.