Gwamna Ganduje ya sake jagorantar musuluntar da maguzawa

A daren jiya Lahadi ne, gidauniyar Ganduje Foundation ta jagoranci bada kalmar shahada ga wasu maguzawa kamar yadda ta saba.

Yayin da yake jawabi ga sabbin musuluntar, jagoran gidauniyar, Gwamnan Kano Dr. Abullahi Umar Ganduje, ya ja hankalinsu da su kiyaye dokokin da addinin musulunci ya tanada.

Gidauniyar ta Ganduje Foundation ta shafe shekaru da dama tana gabatar da ayyukan yaɗa addinin musulunci, da suka haɗa da musuluntarwa, gina makarantu da masallatai.