Taraba:Mutane goma sun rasa rayukansu sakamakon rikici kabilanci

Shugaban karamar hukumar Wukari a jihar Taraba Mr. Daniel Adi, ya ce, mutane goma sun rasa rayukansu sakamakon wani rikici da ya barke tsakanin kabilun Tivi da Jukun.

Ya ce ba ya ga wadanda suka rasa rayukan su, wasu mutanen da dama sun samu munanan raunuka sanadiyar rikicin.

Da ya ke zantawa da manema labarai jiya a garin Wukari, Mr Daniel Adi, ya ce; rikicin ya shafi sama da kauyuka tara a yankin mazabar Kente da ke karamar hukumar ta Wukari.

Mr Daniel Adi, ya kuma ce ko a lokacin da ya ke zantawa da manema labarai, gidaje da dama tare da makarantar sakandire ta gwamnati da ke Kente suna can suna ci da wuta sakamakon banka wuta da ‘yan tarzoma su ka yi.

Mai magana da yawun rundunar ‘yan sandan jihar Taraba David Mishal, ya tabbatar da faruwar lamarin