Tinubu ya bukaci kotun Amurka ta yi watsi da karar da ake masa

Shugaban kasa Bola Ahmed Tinubu, ya roki wata kotun tarayya a Amurka da ta yi watsi da sabon yunkurin wani  Dan Amurka mai fafutukar tabbatar da gaskiya, Aaron Greenspan, na shigar da karin takardu a wata shari’ar neman bayanan binciken hukumomin tsaro na FBI da DEA.

Takardar kin amincewar da lauyoyin Tinubu suka shigar tana dauke da ranar 15 ga watan Oktoban 2026, a gaban Kotun Tarayya ta Gundumar Columbia da ke Amurka.

Aaron Greenspan dai na neman a fitar masa da wasu takardu da suka shafi binciken da hukumomin Amurka suka gudanar kan Tinubu da wasu mutane a karshen shekarun 1980 zuwa farkon shekarar 1990, dangane da zargin da ya shafi harkokin miyagun ƙwayoyi.

Sai dai har yanzu ba a bayyana hukuncin da kotun za ta yanke kan wannan sabon yunkuri ba.