Gwamnati na shirin nazari kan farashin Man Fetur

Gwamnatin tarayya ta ce za ta sake nazarin shirin rangwamen farashin man fetur da Kamfanin man na kasa NNPCL ya kaddamar, bayan kammala wa’adin kwanaki 30 da aka ware wa shirin.

Ministan Kudi Taiwo Oyedele ya ce gwamnati za ta yi amfani da sakamakon nazarin wajen tantance ko akwai bukatar daukar wasu matakai na karin tallafi.

Wannan na zuwa ne yayin da ake ci gaba da fuskantar kalubalen tsadar man fetur da tasirinsa ga harkokin sufuri da tsadar kayayyaki a kasar nan.

Gwamnatin ta ce matakin da za ta dauka na gaba zai dogara ne kan sakamakon nazarin shirin rangwamen.