Tsaro: An kama ‘yan fashi da makami a Kaduna

Rundunar ‘yan sandan Jihar Kaduna ta kama wasu mutane 15 da a ke zargin yan fashi da makami ne.

Wannan na cikin wata sanarwa mai dauke da sa hannun Jami’in hulda da Jama’a na rundunar ASP Muhammad Jalige.

Jalige ya ce, wasu makiyaya ne suka kai wa rundunar yan sanda labarin ‘yan fashin, inda kuma suka yiwa maboyar ta su dirar mikiya.

A yayin kamen nasu ‘yan sanda sun samu nasarar kwato shanu sama da Hamsin.

A cewar rundunar ‘yan sandan za ta dauki matakin da ya dace a kansu.