Tsaro: Elrufa’i ya rufe wasu kasuwanni biyu har sai baba ta gani

Gwamnatin jihar Kaduna ta bada umarnin rufe wasu manyan kasuwanni biyu da ke ci mako-mako a jihar, har sai baba-ta-gani, saboda dalilan tsaro.

Kwamishinan tsaron jihar Samuel Arwan ne ya sanar da hakan, da maraicen ranar Talata, yayin wata ganawa da manema labarai.

Kasuwannin sune na garin Ifira da ta garin birnin daji duka a ƙaramar hukumar Igabi.

Arwan ya ce, hakan ya zama tilas ga Gwamnati, domin daƙile hare-haren da ƴan bindiga ke kai wa.