Tsohon shugaban kasa Shagari ya rasu

Tsohon shugaban kasar nan a jamhuriya ta biyu Alhaji Shehu Shagari ya rasu da yammacin nan a babban asibitin kasa da ke birnin tarayya Abuja.

Daya daga cikin jikokin tsohon shugaban kasar mai suna Bello Shagari ya wallafa a shafinsa na twitter cewa, Alhaji Shehu Shagari ya rasu ne biyo bayan ya yi fama da wata gajeriyar jinya.

Marigayin dai shi ne shugaban kasa a jamhuriya ta biyu daga shekarar 1979 zuwa 1983, inda soji suka yi masa juyin mulki.

Haka kuma wakilin freedom rediyo da ke Sokoto Abba Lawal Kurmawa ya tabbatar da labarin.