U-20 AFCON: Ghana ta bai wa kowa ne dan wasa kyautar dala dubu 10

Shugaban kasar Ghana Nana Addo, ya ce, zai baiwa kowane dan wasan kungiyar kwallon kafa ta kasar ‘yan kasa da shekara 20 kyautar dala dubu 10 sakamakon nasarar lashe kofin Afirka.

Nana Addo ya yi wannan alkawarin ne a ranar Talata 9 ga watan Maris a wata ziyara da ‘yan wasan suka kai masa bayan dawowarsu daga kasar Mauritania inda suka buga wasan.

Shugaban ya kuma ce za a raba kudin kashi biyu inda kowa zai karbi kashi guda yayin da kuma za a saka hannun jari na tsawon shekaru 10 da kashi dayan.

Ghana dai ta lashe kofin ne bayan da ta doke Uganda da ci biyu da nema a wasan karshe na gasar cin kofin na Afirka na ‘yan kasa da shekara 20.