Ungulu za ta koma gidanta na tsamiya – Gareth Bale

Dan wasan kungiyar kwallon kafa ta Real Madrid da ya tafi Tottenham Hotspur a matsayin aro Gareth Bale ya bayyana ra’ayinsa na komawa kungiyar tashi.

Bale ya ce yana shirye-shiryen komawa tsohuwar shekar tashi a karshen wannan kakar wasannin da muke ciki yayin da zamansa a Tottenham ke karewa.

Dan wasan mai shakara 31 ya koma kungiyar ta Tottenham a matsayin aro sakamakon ajiye shi a benci da Zinedine Zidane keyi a Real Madrid.

Haka zalika, mai horas da Tottenham Jose Mourinho ya ce makomar Bale bayan wannan kakar wasannin ta ka’allaka ne a hannun Real Madrid.