Virgil van Dijk: Everton ta bada hakuri kan raunin da ya samu

Mai horas da kungiyar kwallon kafa ta Everton Carlo Ancelotti ya bada hakuri kan raunin da dan wasan Liverpool Virgil van Dijk ya samu a karawarsu ta ranar Asabar.

Van Dijk mai shekara 29 ya samu rauni a kafarsa bayan sunyi taho mu gama da mai tsaron gidan Everton Jordan Pickford.

Ancelotti ya ce “Pickford ya nuna damuwarsa kan raunin dan wasan ya samu, inda ya ce sam baiyi hakan cikin ganganci ba amma tsautsayi ne kawai.”

“Muna matukar bada hakuri a kan wannan tsautsayin kuma muna masa fatan warkewa cikin kankanin lokaci,” in ji shi.