WAEC: Mun dage lokacin rubuta jarrabawar ta 2021

Hukumar shirya jarabawar yammacin Afrika WAEC, ta ce ta dage lokacin rubuta jarrabawar daga watan Yuni da Yuni na shekarar 2021 zuwa wata Agustan 2021.

Wata sanarwa da mai magana da yawun hukumar Demianus Ojijeogu ya fitar, na bayyana cewa jarabawar da aka shirya tun farko a watan Mayu zuwa Yuni, yanzu za ta gudana tsakanin 16 ga watan Agusta zuwa 30 ga Satumbar 2021.

Hukumar shirya jarabawar ta karyata rahotannin da wasu kafafen yada labarai ke cewa an dage jarrabawar a Najeriya a shekarar 2021.

A cewar sanarwar, matakin ya biyo bayan illar cutar COVID-19 da har yanzu aka gaza samun daidaito a fannin ilimi, sakamakon yadda ta gurbata Kalandar jadawalin tsarin karatu.