Wata cuta da ba a kai ga gano asalinta ba ta hallaka mutane 6 a Kano

Wata cuta da ba a kai ga gano asalinta ta ba ta yi sanadiyyar mutuwar mutane shida bayan da mutane sama da arba’in suka kamu da ita a yankin Kyarmawa dake garin Kantse cikin karamar hukumar Dawakin Kudu.

Wakilin Dagacin garin na Kantse Malam Muhammad Abubakar ne ya tabbatar da hakan yayin zantawa da wakilinmu Abubakar Tijjani Rabi’u, dangane da samun bullar cutar da aka yi a garin na Kyarmawa.

Dangane da hakan ne ya sa wakilin na mu Abubakar Tijjani Rabi’u ya yi kokarin jin ta bakin ma’aikatar lafiya ta jihar Kano, inda ya tuntubi daraktan sashen dakile yaduwar cututtuka masu yaduwa na ma’aikatar Dr Ashiru Rajab ta wayar tarho.

Sai dai har zuwa wannan lokaci bai amsa kiran na mu ba kuma bai amsa sakon kar ta kwana da muka tura masa ba.