Labarai
Sarkin Kano ya yi kira ga al’umma su bai wa jami’an sunturi hadin kai
![](https://freedomradionig.com/wp-content/uploads/2020/07/Aminu-Ado-Bayero-Sarkin-Kano.jpg)
Sarkin Kano Alhaji Aminu Ado Bayero, ya yi kira ga al’umma su dinga baiwa jami’an sunturi gudunmawar da ta dace don dakile matsalar tsaro a kasar nan.
Alhaji Aminu Ado Bayero ya bayyana hakan ne ta bakin wakilin fuskar Arewa a karamar hukumar Dala, Alhaji Sayyadi Muhammad Yola wanda ya wakilce shi ya yin da kungiyar sa kai ta Vigilante ke bude sabon ofishinta a karamar hukumar Dala.
Ya ce, yana da kyau al’ummar gari su rika samar da kayayyakin da za a rika amfani da su don gudanar da aikin tsaro a yankunan su.
A nasa jawabin shugaban kungiyar ta ‘yan sunturi na Vigilante a nan Kano, Muhammad Kabiru Alhaji, ya ce, duba da shigowar damuna ya sanya kungiyar ke kara fadada ofisoshinta a fadin jihar Kano, kuma shi wannan ofishin da aka bude a Unguwar Yalwa zai zama babban ofishin kungiyar a karamar hukumar Dala.
Wakilin mu Abubakar Tijjani Rabi’u, ya rawaito shugaban taron Alhaji Yusuf Ibrahim Wakilin Dukiya, na cewa, ofishin zai yi aiki ne a cikin unguwanni sama da Talatin dake fadin karamar hukumar ta Dala.
You must be logged in to post a comment Login