Xavi Hernendez ya ci wasansa na farko a Barcelona

Tsohon dan wasan kasar Spain Xavi Hernandez ya jagoranci Barcelona yin nasara a wasan farko a matsayin mai horarwa a wasan da sukai nasara da ci 1-0 a wasan hamayya na birnin Catalan a hannun Espanyol.

Wasan da ya gudana a ranar Asabar 20 ga Nuwambar shekarar 2021 a filin wasa Camp Nou.

Xavi ya samu nasarar wasan farko ne bayan dawowarshi a matsatin mai horarawa da hakan ya bashi damar samun maki uku.

Dan wasan kasar Holland
Memphis Depay ne ya zura kwallon a bugun daga kai sai mai tsaran gida.

Kawo yanzu Barcelona na mataki na 6 da maki 20 a wasanni 13 da ta buga.

Yanzu haka dai Xavi zai kuma jagoranci Barcelona fafatawa a gasar cin kofin zakarun turai Champions League da kungiyar Benfica.

Wasan da dole sai Barcelona ta samu maki uku domin kaiwa zuwa matakin kungiyoyi 16 na gasar ta 2022.