Yadda aka yi mumunan hadarin mota a Kano

A dazu ne wani mumunan hadarin mota ya afko a yankin kofar Kabuga dake karamar hukumar Gwale a nan Kano.

Hadarin dai ya afko ne akan hanyar zuwa Jami’ar Yusuf Mataima Sule bayan da wasu motoci uku suka yi taho mu gama.

A inda wata karamar mota kirar toyo Corolla tare da wani kan DAF ,suka yi taho mu gama Toyota Corrolla din ta kifa sakamakon dukan da kan DAF din tayi mata ta gefen ta, kamar yadda wani da abun ya faru a gaban idon su ya shaidawa Wakilin mu Hassan Auwalu Muhammad

Shima mai karamar motar ta corrolla, wanda dakyar aka zaro shi daga cikin motar, sakamakon kifawar da tayi, yayi mana karin haske akan yadda abun ya faru yana mai cewa shima tsintar kan sa ya yi kamar mafarki

Wakilin na mu ya yi kokarin jin ta bakin direbobin DAF din, amman sun ki yarda ya dauki muryar su, to amman wani da yake cikin daya daga cikin motocin DAF din ya ce Allah ne ya kaddara haka.