Kungiyar likitoci reshen jihar Zamfara ta janye yajin aikin da ta tsunduma

Kungiyar likitoci ta kasa NMA reshen jihar Zamfara ta janye yajin aikin mako guda da ta tsunduma sakamakon rashin biyansu kudadensu na albashi.

Shugaban kungiyar Dakta Mannir Bature ne ya bayyana hakan a wata sanarwar da aka rabawa manema labarai a birnin Gusau jiya.

Sanarwar ta bayyana cewa, kungiyar ta janye yajin aikin ne biyo bayan amincewa da gwamannan jihar Bello Matawalle ya yi na biyansu kudadensu, adon haka suke umartar ‘ya’yan kungiyar da su koma bakin aikinsu.

Idan dai za a iya tunawa tunawa a ranar goma ga watan da muke ciki ne kungiyar ta umarci ‘ya’yanta da su tsunduma yajin aikin mako guda sakamakon rashin biyan su kudadensu da gwamnatin jihar tayi.