Yaki da ta’addanci : Shalkwatar tsaro ta kashe ‘yan tada kayar baya a Kaduna

Shalkwatar tsaro ta kasa ta ce rundunar sojin sama karkashin Operation Thunder Strike sun kashe ‘yan tada kayar baya a dajin Kuzo dake jihar Kaduna.

Kakakin rundunar tsaro ta kasa Manjo Janar John Eneche ne ya bayyana hakan a jiya Lahadi cikin wata sanarwar da ya fitar, bayan harin da jami’an sojin saman suka kaddamar da ranar Asabar da ya gabata.

Enenche ta cikin sanarwar jami’an sun kai harin ne akan ‘yan tada kayar bayan dake kokarin tserewa da dimbin garken dabbobin da suka sace.

Ya kara da cewa harin ya tarwatsa ‘yan tada kayar bayan da suka yi sansani a gabas maso yammacin dajin na Kuzo.