‘Yan adawa a Kenya sun janye zanga-zangar da suka shiya yi

Jagoran ‘yan adawa a kasar Kenya, Raila Odinga ya sanar da soke zanga-zangar da suka shirya yi domin ci gaba da nuna bijirewa ga gwamnati a yau Litinin.

Janye zanga-zangar ya biyo bayan shirin bude kofar tattaunawa da mahukuntan kasar.

Ya ce, gamayyar ‘yan adawar a shirye suke su zauna a teburin sulhu game da batutuwan da gwamnati ta amince su tattauna.

Tun da farko dai  shugaban Kenya William Ruto ne ya nemi ‘yan adawar su dakatar da zanga-zangar.