‘Yan Bindiga: Sun hallaka wani jami’in ‘yan sanda

‘Yan Bindiga sun hallaka wani dan Sanda mai mukamin Insfekta tare da raunata wasu guda uku a jihar Niger.

Rahotanni sun tabbatar dacewar, ‘yan Bindigar sunyi kwanton Bauna ne a kan Bishiyoyi tare da bude wuta ga jami’an ‘yan sandan dake Sintiri don kare al’umma akan hanyar Minna zuwa Suleja, a Jiya Laraba 24 ga watan Fabrairu dai-dai mararrabar Kaffinkoro.

Mai magana da yawun Rundunar ‘yan sandan ta kasa, Frank Mba, ya tabbatar da afkuwar lamarin inda ya bayyana sunan Insfektan da ya mutu Mohammed Mohammed.

Rundunar ta kuma sanar da kai sauran jami’an nata zuwa Asibitin IBB Specialist hospital, dake Birnin na Minna.