‘Yan bindiga sun sace hakimi a Zamfara

Rahotanni daga jihar Zamfara na cewa a daren jiya Jumu’a, wasu ‘yan bindinga sun sace mutane 7, ciki har da wani hakimi a karamar hukumar Anka.

Wani ganau cikin mutanen garin ya shaida wa wakilinmu Yusuf Ibrahim Jargaba cewa bayan da maharan suka dauki mutanen sun kuma yi harbe-harbe a garin kafin daga bisani su tsere.

Wakilin namu ya tuntibi jami’in hulda da jama’a na ‘yan sandan jihar ta Zamfara SP. Shehu Muhammad amma bai daga wayarsa ba, kuma har kawo lokacin hada wannan labari bai samu ji daga gareshiba.

Jihar Zamfara dai na daga cikin jahohin dake fama da hare-haren ‘yan bindinga a Nigeria