Za a fuskanci daukewar wutar lantarki a shiyyar Kano

Kamfanin rarraba wutar lantarki shiyyar Kano Jigawa da Katsina ya ce za a sami daukewar wutar lantarki daga karfe goma na safiyar gobe Lahadi zuwa karfe uku na yamma sakamakon gyararrakin da zai yi.

Bayanin hakan na cikin sanarwar da jami’in hulda da jama’a na kamfanin Ibrahim Sani Shawai ya fitar.

A cewar kamfanin gyararrakin da za a yiwa tashoshin zai bada damar kara karfin wutar da kamfanin tunkudo wutar lantarki na TCN ke aikowa babbar tashar wuta da ke Kumbotso.

A don haka kamfanin ya bukaci jihohin da lamarin ya shafa kan su bada hadin kai da goyon baya don ganin an kammala aikin.