‘Yan bindiga sun yi garkuwa da mutane a jihar Niger

‘Yan bindiga sun yi garkuwa da mutane ashirin a yankin karamar hukumar Shiroroo da ke jihar Niger

Wannan na zuwa ne awanni bayan da wasu ‘yan bindigar suka kai makamancin wannan harin a garin Kagara shalkwatar karamar hukumar Rafi a jihar ta Niger.

Bayanai sun ce ‘yan bindigar sun kai harin ne a kauyen Adagbi da ke mazabar Galkogo da safiyar yau alhamis.

Shaidun gani da ido sun shaidawa manema labarai cewa, ‘yan bindigar sun shigo kauyen ne akan babura tare da yin harbi sama kafin daga bisani su sace mutanen wadanda akasarinsu mata ne.

Sai dai har ya zuwa yanzu, rundunar ‘yan sandan jihar ta Niger ba ta fitar da sanarwa kan batun ba.