Yan bindiga sun yi garkuwa da ‘yan mata biyu a Zamfara

‘Yan bindiga sun sace dalibai mata guda biyu na jami’ar tarayya da ke Gusau a jihar Zamfara.

Rahotonni sun ce ‘yan fashin dauke da muggan makamai, sun sace daliban ne a dakunan kwanansu da ke wajen makarantar.

Wata sanarwa da rundunar ‘yan sandan jihar ta fitar, ta ce kwamishinan ‘yan sandan jihar, CP Kolo Yusuf ya tabbatar wa iyayen daliban da kuma hukumar makarantar cewa rundunar tana kokari don ganin ta kubutar da su.

Ko da a Ranar 16 ga watan Yunin 2021, ‘yan bindiga sun sace dalibai su kimanin 100 tare da wasu malamansu, inda suka tafi da su daji, kafin daga bisani su saki mafi yawansu cikin rukuni-rukuni.