Yan sanda a Katsina sun kama wani matashi dake damfarar mutane ta hanyar kiran su a waya

Rundunar ‘yan sandan jihar Katsina ta kama wani matashi mai suna Sadik Abubakar dake kiran mutane a waya yana razana su tare da karbar kudade a gurin su.

Mai Magana da yawun rundunar ‘yan sandan jihar ta Katsina Sp Gambo Isa ne ya bayyan hakan yayin da yake ganawa da mamema labarai.

Sp Gambo Isa ya ce matashin mai shekaru 18 dake zaune a kofar Guga dake cikin garin na Katsina, ya shahara wajen kiran mutane a waya domin karbar kudi a wajen su.

Rundunar ‘yan sandan jihar ta Katsina ta bukaci al’umma da su rinka kai rahoton duk wani mutum da sukaga ya na aikata ba dai-dai ba.