Yanzu-Yanzu: An kai hari da jirgi maras matuki a kasar Saudiya

Wani hari ta sama da ake zaton dakarun Houti ne da ke kasar Yemen suka kai kan wata matatar mai a kasar Saudiya, ya lalata wani bangare na matatar man.

Rahotanni sun ce harin wanda aka kai kan matatar man kamfanin Aramco da ke birnin Riyadh, ya janyo asara mai yawa.

Tuni dai kungiyar Houti da ke fafutuka da makamai a kasar Yemen, ta dauki alhakin harin.

Harin ya yi sanadiyar tashin gobara a wani sashe na matatar man, kamar yadda ma’aikatar kula da makamashi ta kasar Saudiya ta sanar.