Yanzu-yanzu: An kashe shugaban ƙungiyar Boko Haram ‘Shekau’ a Dajin Sambisa

Rahotanni daga garin Maiduguri na cewa mayakan kungiyar ISWAP sun kashe jagoran ƙungiyar Boko Haram Abubakar Shekau yayin wani batakashi da su ka yi a dajin Sambia.

A cewar wata majiya lamarin ya faru ne a jiya laraba.

Majiyar ta ce dubban dubatar mayakan ISWAP ne suka shiga dajin Sambisa dauke da manyan makamai inda suka yi ta farautar jagoran na Boko Haram.

Sai dai wata majiya ta tabbatar da cewa ba mayakan na ISWAP bane suka kashe shugaban ƙungiyar ta Boko Haram shine da kansa ya yi ƙunar bakin wake ya hallaka kansa lokaci da ya fuskanci cewa mayakan na ISWAP na daf da cimmasa.

Har ya zuwa yanzu dai rundunar sojin kasar nan ba ta fitar da sanarwa kan wannan lamari ba