Yanzu-yanzu- An sake sakin daliban kwalejin Afaka da masu garkuwa da mutane suka sace

 Yan bindigar da suka sace daliban kwalejin nazarin tsirrai da gandun daji 39 da ke Afaka a jihar Kaduna sun sake sakin dalibai biyar kwanaki uku da suka saki biyar daga cikin su.

Wannan dai ya kawo adadin dalibai 10 kenan suka saki cikin 39 wanda a yanzu akwai ragowar daliban 29 a hannun su.

Jaridar Daily Trust ta ce, Rahotanni sun bayyana cewa daliban da aka saki yanzu haka suna kan hanyar su ta zuwa asibiti don duba lafiyar su.

Cikin daliban da aka sako sun hadar da maza hudu da mace daya, wanda rundunar yan sanda ta samu nasarar ceto su a karamar hukumar Giwa ta jihar Kaduna.