Yanzu yanzu: Gawar mahaifiyar sarkin Kano ta iso daga kasar Masar

A yanzu haka gawar mahaifiyar sarakunan Kano da Bichi wato marigayiya Hajiya Maryam Ado Bayero ta iso fadar sarkin Kano.

Hajiya Maryam Ado Bayero wadda ita ce mai dakin sarkin Kano na goma sha uku a daular Fulani, marigayi Alhaji Ado Bayero, ta rasu ne a kasar Masar a ranar asabar.

Wakilin mu na fadar masarautar Kano Muhammadu Harisu Kofar Nassarawa ya ruwaito cewa, cikin wadanda suka halarci wajen jana’izarta akwai shugaban ma’aikatan fadar shugaban kasa, farfesa Ibrahim Gambari da gwamnan Kano Abdullahi Umar Ganduje da Etsu Nupe Alhaji Yahaya Abubakar da sarkin Kagara Alhaji Ahmad Garba-Gunna da kuma sauran sarakuna da dama.