Yanzu-yanzu: Malam Abduljabbar ya nemi afuwa, kwana guda bayan muƙabala

Malamin nan Sheikh Abduljabbar Nasir Kabara, ya nemi afuwa kan kalaman sa game da wasu hadisai da ya bayyana cewa, an ci zarafin manzon tsira Annabi (s.a.w).

A cikin wani jawabi da ya fitar da tsakar ranar Lahadi, ya ce, idan har waɗannan kalamai daga shi ne, to ba shi da wata mafita sai gaggawar neman afuwa tare da gafarar al’umma.

Ya ci gaba da cewa, idan kuma daga cikin litattafan da ya faɗa ne, to malamai su ji tsoron Allah a taru a yi yaƙi da su.

Malamin ya kuma yi ƙarin bayani kan abin da yake nufi da babu lokaci a yayin zaman muƙabala.
Ku saurari jawabin nasa a na.

Wannan dai na zuwa ne, kwana guda bayan da aka yi zaman muƙabala tsakaninsa da malaman Kano, wanda alƙalin muƙabalar ya bayyana cewa, malamin bai amsa dukkan tambayoyin da aka masa ba.