‘Yar Sardaunan Sokoto Aisha Ahmadu Bello ta rasu tana da shekaru 76

Rahotanni sun ce hajiya Aisha Ahmadu Bello wadda ita ce ‘yar Sardauna ta biyu ta rasu ne a birnin Dubai na hadaddiyar daular larabawa tana da shekaru saba’in da shida a duniya, bayan ta yi fama da wata gajeruwar rashin lafiya.

Ta kuma rasu ne tabar ‘ya’ya biyar da kuma kanwarta wadda it ace ‘yar sardauna ta karshe.

Injiniya Aminu Nuhu wanda daya ne daga cikin makusancin marigayiyar ya tabbatarwa jaridar daily trust rasuwar marigayiyar.

A cewar sa ta mutu ne a yau juma’a.

Cikin ‘ya’yanta akwai Magajin Garin Sokoto, Alhaji Hassan Danbaba da kuma mai dakin sarkin Sudan, Shehu Malami.