An shiga rana ta biyu a aikin horas da ma’aikatan Freedom Radio

Hukumar gudanarwa ta Freedom Radio da Dala FM Kano, sun shiryawa ma’aikatansu horo a kan yadda za su rika wallafa labarai a kan shafukan yanar gizo da yin bincike a internet, da tantance sahihancin labarai a internet.

Ma’aikatan wadanda suka fito daga sassa daban-daban na tashoshin za su shafe tsawon kwanaki uku suna karbar horon.

Masu karbar horon sun nuna farin cikinsu a kan yadda mai bayar da horon Basheer Sharfadi ya ke nuna kwarewa, a yayin da ya ke koyawa yan jaridun sabbin hanyoyin wallafa labarai a kafafen sada zumunci. Sannnan sun godewa hukumar gudanarwa ta Freedom Radio da ta shirya bitar.

Rahoto: Kamilu Saminu Zawaciki