Za a fara hukunta ƴan Nijar da ke barace-barace a ƙasashen waje

Gwamnatin jamhuriyyar Nijar ta ce, zata fara hukunta ƴan ƙasar da ke fita ƙasashen ƙetare suna yin barace-barace da ƙananan yara.

Ministan jin ƙai da walwalar jama’a na ƙasar Malam Lawan Magaji ya bayyana hakan a wata hira da manema labarai.

Ya ce, Gwamnati ba zata lamunci abin da wasu ƴan ƙasar keyi ba, na zubda ƙimarta a idon duniya.

Ministan jin ƙan ya ce, tuni aka fara ɗaukar matakin farko na wayar da kai tare da gargaɗi ga ƴan ƙasar da ke aikata wannan ta’ada.